Me gir midlar til prosjekt som har potensial til å skape verdiar i Ryfylkeregionen

Fondet vart etablert i 1986 med fylkeskommunen som eineinnskytar. Seinare er dette endra fleire gonger. Først ved at Suldal, Hjelmeland og Forsand kommune gjekk inn som innskytarar i fondet, og at Lyseområdet også skulle takast med som «nedslagsfelt» for konsesjonskrafta.

I 2013 vart Sauda også ein innskytar i fondet, og likeså konsesjonskraftmidlar frå kraftanlegg i Sauda. Etter kommunesamanslåing mellom Forsand og Sandnes kommune i 2020 gjekk Forsand ut av fondet. I 2021 vart Ryfylkefondet kommunalt oppgåvefelleskap etablert – ein eigen juridisk eining med Sauda, Suldal, Hjelmeland og Strand kommune saman med Rogaland fylkeskommune.

Det er først og fremst kraftprisane som styrer kor mykje fondet få tilført kvart år. Ved årsskiftet til 2024 disponerer Ryfylkefondet ein samla kapital på 125 mill. Årleg inntekt for fondet var 61 mill. i 2022 og 43 millionar i 2023

Det er viktig å gjera merksam på at fondet ikkje er finansiell deltakar i enkeltføretak i næringslivet. Fondet går heller ikkje inn med midlar til det ein kallar kommunane sitt primærføremål.